LTGASOC - AKTUALI

26. atkluotuos latgalīšu rokstu volūdys i kulturviesturis olimpiadis nūlykums

Fri, 16 Jan 2026 21:42:00 +0000

1. Olimpiadis mierkis i aizdavumi:

1.1. Školu jaunatnis vydā popularizēt Latgolys kulturys montuojumu;

1.2. Nūstyprynuot izpratni par latgalīšu rokstu volūdu kai svareigu latvyskuos identitatis daļu,

rūsynuot jaunīšu interesi par latgalīšu volūdu i Latgolys kulturviesturi;

1.3. Veicynuot kulturys vierteibu i izcyluokūs nūvadnīku apzynuošonu.

2. Olimpiadis daleibnīki: vyspuorizgleitojūšūs školu 10.–12. klašu komandys 3–5 jaunīšu sastuovā.

3. Olimpiadis organizātuoji: Latvejis investiceju i atteisteibys agentura, Latgalīšu volūdys, literaturys i kulturviesturis školuotuoju asociaceja (LVLKŠA), RTU Rēzeknis akademeja, Latgalīšu kulturys bīdreiba, LU Humanitarūs zynuotņu fakultatis Baltu volūdnīceibys katedra, Rēzeknis nūvoda pošvaļdeiba, Rēzeknis Vaļsts 1. gimnazeja, pīnuokumus sadolūt pec savstarpejis vīnuošonuos.

4. Olimpiadis nūrise:

4.1.0. 1. pūsmys – izgleiteibys īstuodis olimpiade:

4.1.1. Nūrisis laiks – olimpiade nūteik leidz 2026. goda 10. apreļam;

4.1.2. Olimpiadis aizdavumus izstruodoj izgleiteibys īstuode;

4.1.3. Dorbus viertej i daleibnīkus 2. pūsmam vierza viertiešonys komiseja.

4.2.0. 2. pūsmys – vaļsts atkluotuo olimpiade:

4.2.1. Nūtikšonys laiks i vīta – 2026. goda 25. apreļs, Rēzeknis Vaļsts 1. gimnazeja, Dziernovu 3a;

4.2.2. Aizdavumus i viertiešonys kriterejus izstruodoj RTU Rēzeknis akademeja, Latgalīšu kulturys portals www.lakuga.lv i Latvejis Universitatis Baltu volūdnīceibys katedra;

4.2.3. Dorba ilgums treis astronomiskuos stuņdis (10:00–13:00);

4.2.4. Olimpiadis aizdavumus komanda veic kolektivi;

4.2.5. Dorba saturs: tests, aizdavumi latgalīšu rokstu volūdā; rodūši aizdavumi.

5. Olimpadis aizdavumu temys:

1) Latgalīšu rokstu volūda (rokstu volūdys prasmis);

2) Fraņčam Kempam – 150,

3) Ontonam Rupaiņam –120

4) www.lakuga.lv 2026.g.marts,

5) Latgolys kulturtests (latgaliskī pasuokumi, nūtykumi i jubilejis 2025. godā).

6. Pīteikumi olimpiadei juoatsyuta leidz 2025. goda 16. apreļam LVLKŠA iz e-postu (ltgasoc@gmail.com). Pīteikumā juonūruoda izgleiteibys īstuode, klase, izgleitojamuo vuords i uzvuords, atbiļdeiguo pedagoga vuords, uzvuords.

7. Viertiešona i apbolvuošona

Olimpiadis rezultatus viertej LVLKŠA i RTU Rēzeknis akademejis kūpeigi veiduota viertiešonys komiseja. Rezultati teik paziņuoti olimpiadis dīnā. Gūdolguotūs vītu īgiviejis komandys i komandu daleibnīki individuali sajam bolvys, puorejī daleibnīki — pīminis veļtis.

Informaceju var atrast https://www.viaa.gov.lv/lv/node/12581

www.ltgasoc.lv

www.lakuga.lv

8. Olūti

Latgalīšu rokstu volūda

1. Valsts valodas likuma 3. pants (atrūnams: www.likumi.lv).

2. LR Tieslietu ministrijas Valsts Valodas centrs (2008). Latgaliešu pareizrakstības nosacījumi: http://www.lu.lv/filol/latgalistica/doc/LGPNusacejumi.pdf

3. http://www.lakuga.lv/raksteiba/

Fraņčam Kempam –150

1. Kemps, F. Latgalieši (1910). Rīga: Zemnieka pūrs. Latgalieši (1910)

(pīejama: https://www.scribd.com/doc/76373414/latgalieshi).

2. Eiskina „Gambits 1917” (pīejama: https://www.youtube.com/watch?v=SW9RTyHlTp4).

Ontonam Rupaiņam – 120

1. Ivdris, V., Justs, M. Laika i myuža roksti. (2012). Laika i myužu roksti.

2. Šuplinska, I. Antons Rupainis. ANTONS RUPAINIS | Atbild Nacionālā enciklopēdija

(pīejams: https://enciklopedija.lv/skirklis/171760-Antons-Rupainis ).

3. Šuplinska, I., Malahovskis, V. Īsapazeisim. Virtuala spēle par Latgolys kulturys darbinīkim.

(pīejama: https://iepazisimies.rta.lv/ )

www.lakuga.lv 2026.g. marts: roksti, nūtykumi, personeibys itt.

Latgolys kulturys tests

( latgaliskī pasuokumi, nūtykumi i jubilejis 2025. g.)

1. www.lakuga.lv

2. žurnāls “A12”// 2025. g.

3. https://bonuks.lv

26. skotuvis runys konkursa „VUOLYUDZĀNI” nūlykums

Fri, 16 Jan 2026 21:32:00 +0000

1. Konkursa mierkis:

1.1. Styprynuot nacionalū identitati, veidojūt izpratni par latgalīšu autoru vuorda muokslu,

latgaliski raksteita teksta vierteibu, izteiksmeibu;

1.2. Atteisteit školānu skotuvis runys meistareibu, emocionalitati, ceļt runys kulturu;

1.3. Izkūpt latgalīšu rokstu volūdu.

2. Organizātuoji:

2.1. Latgalīšu volūdys, literaturys i kulturviesturis školuotuoju asociaceja (LVLKŠA);

2.2. Rēzeknis nūvoda pošvaļdeiba;

2.3. Latgalīšu kulturys bīdreiba;

2.3. Rēzeknis Vaļsts 1. gimnazeja.

3. Konkursa nūtikšonys laiks i vīta:

3.1. Konkurss nūteik 2026. goda 25. aprelī Rēzeknis Vaļsts 1. gimnazejā, Dziernovu īlā 3a;

3.2. Suokums — 10:00;

3.3. Daleibnīku registraceja: 9:00 – 9:50.

4. Daleibnīki:

4.1. Konkursā pīsadola pyrmsškolys vacuma bārni, 1. – 12. klašu izgleitojamī, studenti

4.2. Nu vīnys izgleiteibys īstuodis pīsadola na vairuok par 2 izgleitojamīm nu kotrys klašu grupys;

4.3. Vīnys izgleiteibys īstuodis pīsaceitajim daleibnīkim vālams najimt vīnaidus dorbus;

4.4. Iz konkursa navest dailrunuotuoju, kurs nazyna sova teksta nu golvys.

5. Konkursa gaita:

5.1. Konkurss nūteik pa vacuma grupom: pyrmsškola, 1. – 4. kl., 5. – 8. kl., 9. – 12. kl.,

studenti;

5.2. Kotrys konkursa daleibnīks sagatavej 2 daildorbu fragmentus latgaliski;

5.3. Vīnam fragmentam juobyut nu jaunuokuos latgalīšu literaturys;

5.4. 1. konkursa kuortā kotrys daleibnīks runoj pyrmū izavielietū prozys voi dzejis

fragmentu, bet 2. kuortā — ūtrū sagataveitū prozys voi dzejis fragmentu;

5.5. Kotra literaruo dorba lasejums leidz 3 min.(lyugums īvāruot laiku);

5.6. Konkursu paprīšku īteicams organizēt izgleiteibys īstuodē leidz 10. apreļam.

6. Viertiešona:

6.1. Konkursantus viertej LVLKŠA i Rēzeknis nūvoda pošvaļdeibys izveiduota komiseja;

6.2. Viertej dorba atbiļsteibu izgleitojamuo vacumam, teksta zynuošonu, kontaktu ar

klauseituojim, prasmi atkluot daildorba nūskaņu, īsakļaušonu laikā.

7. Apbolvuošona:

7.1. Konkursa uzvarātuoji kotrā vacuma grupā sajam diplomus i bolvys voi pīminis bolvys i

Atzineibys rokstus;

7.2. Par školānu sagataveišonu konkursam teik gūdynuoti i jūs pedagogi.

8. Pīteikumi:

8.1. Pīteikumus syuteit leidz 16. apreļam iz e-postu: ltgasoc@gmail.com,

8.2. Nūruodeit izgleitojamuo vuordu, uzvuordu, izgleiteibys īstuodi, klasi, pedagogu, daildorba

autoru i nūsaukumu;

8.3. Pīteikumus raksteit iz izgleiteibys īstuodis veidlopys, īsnēgt ar direktora voi direktora

vītnīka parokstu.

Informaceju var atrast www.ltgasoc.lv i www.lakuga.lv

LVLKŠA

Aicynojam iz “Vuolyudzānim” i atkluotū latgalīšu rokstu volūdys i kulturviesturis olimpiadi

Thu, 15 Jan 2026 07:34:00 +0000

25. aprelī Rēzeknis Vaļsts 1. gimnazejā nūtiks skotuvis runys konkurss “Vuolyudzāni” i atkluotuo latgalīšu rokstu volūdys i kulturviesturis olimpiade, kuru mierkis ir popularizēt Latgolys kulturys montuojumu i latgalīšu volūdu.

Skotuvis runys konkursā “Vuolyudzāni” aicynuoti pīsadaleit pyrmsškolys vacuma bārni, 1.–12. klašu školāni, ari studenti. Kotram dalinīkam juosagatavej diveju daildorbu fragmenti latgaliski. Pīsokūt školānus skotuvis runys konkursam “Vuolyudzāni”, teik aicynuots īvāruot pīteikuma praseibys. Taipat kai paguojušajā godā teik lyugts izavielēt fragmentus nu jaunuokuos latgalīšu literaturys.

Skotuvis_runys_konkursa_Vuolyudzani_nulykums_2026.pdf

Atkluotuo latgalīšu rokstu volūdys i kulturviesturis olimpiade nūtiks pīcuos kuortuos. Olimpiadis 1. kuortā aizdavumus latgalīšu rokstu volūdys zynuošonu puorbaudē jau 26. godu izstruoduos Latvejis Universitatis profesore Lidija Leikuma, bet tradicionalū 5.kuortys kulturtestu par svareiguokū Latgolys kulturys dzeivē 2025. godā pīduovuos portals lakuga.lv

Olimpiadis 2. kuorta byus veļteita latgalīšu rakstnīkam, sabīdryskajam darbinīkam i publicistam, pyrmuos latgalīšu avīzis “Gaisma” izdeviejam Fraņčam Kempam, bet 3. kuorta – latgalīšu rakstnīkam i kulturys darbinīkam Ontonam Rupaiņam. Itūgod 4. kuortys aizdavumi mudynuos jaunīšus īpazeit portala lakuga.lv ituo gods marta mieneša publikacejis. 2. – 4. kuortys rodūšūs aizdavumus pīduovuos RTU Rēzeknis akademejis profesore Ilga Šuplinska.

Atkluotuos_olimpiadis_nulykums_2026.pdf

Pīsasaceit skotuvis runys konkursam i olimpiadei var da 2026. gods 16. apreļa, aizpyldūt iz izgleiteibys īstuodis veidlopys sataiseitu pīsacejumu i syutūt LVLKŠA iz e-postu ltgasoc@gmail.com.

Konkursu i olimpiadi organizej i atbolsta Vaļsts izgleiteibys atteisteibys agentura, Latgalīšu volūdys, literaturys i kulturviesturis školuotuoju asociaceja, Rēzeknis nūvoda pošvaļdeiba, Latgalīšu kulturys bīdreiba, Rēzeknis Vaļsts 1. gimnazeja, latgalīšu kulturys kusteiba “Volūda”, RTU Rēzeknis akademeja i latgalīšu kulturys ziņu portals lakuga.lv.

Latgalīšu volūdys i kulturys kursi “Vosoruošona” svieteis 25 godu jubileju

Wed, 23 Jul 2025 20:26:00 +0000

Nu 27. da 31. juļa Rēzeknis nūvoda Rogovkā byus latgalīšu volūdys i kulturys kursi “Vosoruošona 2025”. Kursūs, kas itūgod svieteis 25 godu pastuoviešonu, tyka aicynuoti pīsasaceit školuotuoji, kuri jau vuica voi tyvuokajā laikā plānoj vuiceit latgalīšu volūdu, kai i interesenti, kurim latgalīšu volūdys zynuošonys varātu byut dereigys profesionalajā darbeibā. Ituo gods kursūs pīsadaleis vaira nakai 30 daleibnīku, kas intensivuos lekcejuos, rodūšajuos darbneicuos i latgaliskū kulturvidi izzynuot paleidzūšuos nūtikšonuos vuiceisīs latgalīšu rokstu volūdu, īpazeis Latgolys kulturvidis vaicuojumus i personeibys, kai ari, jamūt vārā školuotuoju pīredzi i dorba metodis, gataveisīs jaunajam vuiceibu godam i latgalīšu volūdys vuiceišonai vysaidu leimiņu izgleiteibys īstuodēs.

Rēzeknis nūvoda Nautrānu pogosta Rogovkā paradzātajūs latgalīšu volūdys i kulturys kursūs pīsadaleis vaira nakai 30 daleibnīku nu gondreiž vysu Latgolys nūvodu i vaļstspiļsātu (Augšdaugovys, Bolvu, Kruoslovys, Leivuona, Ludzys, Preiļu, Rēzeknis nūvodu, kai i Rēzeknis i Daugovpiļs vaļstspiļsātu), taipat i nu Reigys i vīns daleibnīks byus nu uorzemu. Vysu vaira daleibnīku kursūs pīsasacejuši nu Ludzys i Rēzeknis nūvodu. Kai golvonū motivaceju daleibnīki nūruodejuši vareibu vuiceitīs latgalīšu rokstu volūdu, izzynuot cytu školuotuoju pīredzi latgalīšu volūdys vuiceišonā, kai i papyldynuot zynuošonys par Latgolys kulturvidi i latgalīšu volūdys vuiceišonys metodiku.

Pyrmū reizi vosorys kursi “Vosoruošona” nūtyka 2000. godā taišni Rēzeknis nūvoda Rogovā, i ituo gods kursūs simboliski varēs svieteit nūtikšonys 25 godu jubileju. Sovulaik “Vosoruošona” roduos kai tuos šaļts vēļ naoficialuo “Latgolys Studentu centra” (niu – latgalīšu kulturys kusteiba “Volūda”) aktivistis Ilzis Mežniecis ideja, ka vajadzeiga latgaliska vosorys nūmetne školuotuojim. Idejai atsasaukuse Nautrānu vydsškolys direktore Anita Ludborža, kurei i itūgod ir kursu vadeituoja, taipat ideju atbaļstejuse tikū dybynuotuo “Latgalīšu volūdys, literaturys i kulturviesturis školuotuoju asociaceja”. Asociacejis vadeituoja Veronika Dundure, kurei itūgod sajēme Latgalīšu kulturys goda bolvu “Boņuks” par myuža īguļdejumu latgalīšu kulturys atteisteibā, ir kursu “Vosoruošona” leidza reikuotuoja, motivatore, taipat i latgalīšu volūdys vuiceišonys Latgolys školuos vierzeituoja. Sovys pastuoviešonys laikā kursi nūtykuši vysaiduos Latgolys vītuos, bet vysu vaira “Vosoruošonys” sāta bejuse Nautrānu vydsškola Rogovkā, kur nūtykyšys ari pādejuos sešys kursu reizis. Kursi, kurī itūgod byus 15. reizi, niu nūteik kotru ūtrū godu, bet sovulaik tī bejuši i kai kasgadeja nūtikšona, i pīdzeivuojuse ari leluokus puotraukumus.

Īprīškejā vuiceibu godā latgalīšu volūdu interešu izgleiteibys veidā pīduovuoja vaira nakai 30 školuos (vysūs Latgolys nūvodūs i vaļstspiļsātuos izjamūt Daugovpili) i itū vareibu izmontuojuši vaira nakai 600 bārnu, deļtuo regulara pošu školuotuoju tuoļuok vuiceišonuos ir svareigs faktors volūdys vuiceišonys veicynuošonā.

Latgalīšu volūdys i kulturys kursūs itūgod latgalīšu rokstu volūdys nūdarbeibys vadeis latgalīšu rokstu volūdys specialiste Māra Mortuzāne-Muravska (Vaļsts volūdys centrs), ar latgalīšu rokstu volūdys viesturi i izlūksnem īpazeistynuos profesore, volūdneica Lideja Leikuma (Latvejis Universitate), par volūdys vuiceišonys metodiku stuosteis školuotuojis Veronika Dundure (Nautrānu Vydsškola), Laila Budreviča i Ineta Misāne (Ludzys vydsškola), par teatra metodem, runys i koncentriešonuos vyngrynuojumim nūdarbeibu vadeis akters Juoņs Krūņs, ap interaktivu daīšonu folklorys vuiceišonā runuos asociātuo profesore, pietneica Angelika Juško-Štekele (RTU Rēzeknis akademeja), ar latgalīšu situaceju storpkaru periodā īpazeistynuos viesturnīks Vladislavs Malahovskis (RTU Rēzeknis akademeja, Latgolys kulturviesturis muzejs), par vareibu stuņdēs izmontuot latgalīšu folklorys materialus stuosteis folklorys pietnīks Sandis Laime (LU Literaturys, folklorys i muokslys instituts), ap latgalīšu i jaunnorvegu volūdys paralelem runuos Snorre Karkonens-Svensons (Volūdu sāta), bet ar jaunuokajim latgalīšu volūdys materialim i digitalajim reikim īpazeistynuos Kristīne Pokratniece (LU Matematikys i informatikys instituts), Edeite Laime (latgalīšu kulturys kusteiba “Volūda”) i redaktore, žurnaliste Maruta Latkovska. Kursu laikā byus vairuokys rodūšuos darbneicys, kurus vadeis keramike Maija Gailuma i ekoprinta studeja “Maarga”, taipat “Vosoruošonys” daleibnīkim byus vareiba gasteit i īpasazeit ar latgaliskū kulturvidi Bieržgaļa Ontona Rupaiņa muzejā, Nautrānu nūvodpietnīceibys centrā, kai i latgalīšu volūdys i kulturviesturis metodiskajā centrā i cytur.

Ar pylnu kursu programu var īpasazeit ite: https://ej.uz/vosoruosona2025_programa.

Kursim “Vosoruošona” ir sovs karūgs, kura autoris ir Lienīte i Annele Slišānis, kai i himna, kurys teksta autore ir Līga Rundāne, bet muzyku sarakstejs Ingars Gusāns (Sovvaļnīks). Skaņdorbu “Vosoruošonai” var nūsaklauseit ite:

Latgalīšu volūdys i kulturys kursus “Vosoruošona 2025” reikoj Latgalīšu volūdys, literaturys i kulturviesturis školuotuoju asociaceja (LVLKŠA), latgalīšu kulturys kusteiba “Volūda” i Nautrānu vydsškola. Nūtikšonu atbolsta Sabīdreibys integracejis fonds nu Kulturys ministrejis daškiertūs Latvejis vaļsts budžeta leidzekļu, Latvīšu volūdys agentura, Rēzeknis nūvoda pošvaļdeiba i Nautrānu apvīneibys puorvaļde.

15. reizi byus latgalīšu volūdys i kulturys kursi “Vosoruošona”

Sun, 18 May 2025 20:23:00 +0000

Nu 27. da 31. juļa Rēzeknis nūvoda Rogovkā byus latgalīšu volūdys i kulturys vosorys kursi “Vosoruošona 2025”. Kursūs aicynuoti dasasaceit školuotuoji nu vysys Latvejis, kuri školuos jau vuica voi tyvuokajā laikā plānoj vuiceit latgalīšu rokstu volūdu, taipat var dasasaceit pedagogejis studenti i cyti latgalīšu volūdys i kulturys interesenti, kurim latgalīšu volūdys zynuošonys varātu nūderēt profesionalajā darbeibā.

Latgalīšu volūdys i kulturys vosorys kursūs “Vosoruošona 2025”, kas suoksīs svātdīnis, 27. juļa, piecpušdīnē i byus da catūrtdīnis, 31. juļa, prīškpušdīnis, byus vareiba nūstyprynuot zynuošonys latgalīšu rokstu volūdā, jaunumim latgalīšu volūdys atteisteibā, izzynuot vaira par metodem, resursim i leidzeklim, kas byutu nūdareigi vuiceibu prīškmata “Latgalīšu rokstu volūda” vuiceišonā školā, padzilinuot zynuošonys par latgalīšu literaturu, Latgolys kulturviesturi i myusu dīnu latgaliskuos kulturys procesim. Taipat kursu daleibnīkim byus vareiba pīsadaleit rodūšajuos nūdarbeibuos, pasadaleit ar sovu i izzynuot cytu školuotuoju pīredzi, sasatikt ar latgaliskuos kulturvidis personeibom, kai i kursu vokoru pasuokumūs dabuot īdviesmi i prīškstotu par latgalīšu kulturys aktualitatem.

Latgalīšu volūdys, literaturys i kulturviesturis školuotuoju asociaceja, kas ir vīna nu vosorys kursu reikuotuoju, regulari reikoj školuotuoju apvuiceibys i kursus, kab styprynuotu latgalīšu volūdys školuotuoju zynuošonys, bet “Vosoruošona” īrosts ir vareiba intensivu kursu veidā dabuot jaunuokū informaceju ap latgalīšu volūdu i, izmontuot volūdys specialistu i latgalīšu kulturys ekspertu kluotyn byušonu, kab vuiceitūs i izzynuotu volūdu, sajimtu metodiskū atbolstu i pasadaleitu ar sovu pīredzi.

Kursūs “Vosoruošona” aicynuoti dasasaceit školuotuoji nu vysys Latvejis, kuri školuos jau vuica voi tyvuokajā laikā plānoj vuiceit latgalīšu rokstu volūdu, taipat var dasasaceit pedagogejis studenti i cyti latgalīšu volūdys i kulturys interesenti, par pīmāru, žurnalisti, kulturys darbinīki i cyti, kurim latgalīšu volūda iz prīšku varātu nūderēt profesionalajā darbeibā, styprynojūt volūdys zynuošonys i lūmu sabīdreibā.

Vosorys kursim “Vosoruošona” var dasasaceit da 20. juņa, aizpyldūt tīšsaistis anketu ITE. Vītu skaits kursūs īrūbežuots. Vaira dasacejumu gadīnī prīškrūka byus latgalīšu rokstu volūdys školuotuojim, kuri jau vuica volūdu školā voi plānoj tū dareit tyvuokajā laikā. Ar precizu kursu programu byus vareiba īpasazeit tyvuok nūtikšonai. Piec kursu nūslāguma tūs daleibnīki sajims 36 stuņžu aplīceibu. Kursu leidzmoksuojums nu daleibnīka itūgod ir 30,00 eiro. Kursūs teik nūdrūsynuota nakšņuošona, ādynuošona (treis reizis dīnā), kai i intensiva vuiceibu, rodūšūs darbneicu i nūtikšonu programa.

Vosorys kursi “Vosoruošona” pyrmū reizi nūtyka 2000. godā, itūgod byus jau 15. “Vosoruošonys” sasatikšona. Latgalīšu volūdys i kulturys kursus “Vosoruošona 2025” reikoj Latgalīšu volūdys, literaturys i kulturviesturis školuotuoju asociaceja (LVLKŠA), latgalīšu kulturys kusteiba “Volūda” i Nautrānu vydsškola. Nūtikšonu atbolsta Sabīdreibys integracejis fonds nu Kulturys ministrejis daškiertūs Latvejis vaļsts budžeta leidzekļu, Latvīšu volūdys agentura, Rēzeknis nūvoda pošvaļdeiba i Nautrānu apvīneibys puorvaļde.

25. atkluotuos latgalīšu rokstu volūdys i kulturviesturis olimpiadis nūlykums

Mon, 13 Jan 2025 22:21:00 +0000

1. Olimpiadis mierkis i aizdavumi:

1.1. Školu jaunuotnis vydā popularizēt latgalīšu kulturys montuojumu;

1.2. Nūstyprynuot izpratni par latgalīšu rokstu volūdu kai svareigu latvyskuos identitatis daļu, rūsynuot jaunīšu interesi par latgalīšu volūdu, kulturviesturi, viesturi;

1.3. Veicynuot kulturys vierteibu i izcyluokūs nūvadnīku apzynuošonu školuos.

2. Olimpiadis daleibnīki: vyspuorizgleitojūšūs školu 10.–12. klašu komandys 3–5 školānu sastuovā.

3. Olimpiadis organizātuoji: Vaļsts izgleiteibys satura centrs, Latgalīšu volūdys, literaturys i kulturviesturis školuotuoju asociaceja (LVLKŠA), Rēzeknis Tehnologeju akademejis Regionalistikys zynuotniskais instituts, Latgalīšu kulturys bīdreiba, LU Humanitarūs zynuotņu fakultatis Baltu volūdnīceibys katedra, Rēzeknis nūvoda pošvaļdeiba, Rēzeknis Vaļsts 1. gimnazeja.

4. Olimpiadis nūrise:

4.1.0. 1. pūsmys – školys olimpiade:

4.1.1. Nūrisis laiks školā – olimpiade nūteik leidz 2025. goda 10. apreļam;

4.1.2. Olimpiadis aizdavumus izstruodoj školā;

4.1.3. Dorbus viertej i daleibnīkus 2. pūsmam vierza školys žurejis komiseja.

4.2.0. 2. pūsmys – vaļsts atkluotuo olimpiade:

4.2.1. Nūtikšonys laiks i vīta – 2025. goda 26. apreļs, Rēzeknis Vaļsts 1. gimnazeja, Dzirnavu 3a;

4.2.2.Aizdavumus i viertiešonys kriterejus izstruodoj Rēzeknis Tehnologeju akademejis Regionalistikys zynuotniskuo instituta i Latvejis Universitatis vuiceibu spāki;

4.2.3. Dorba ilgums treis astronomiskuos stuņdis (10:00–13:00);

4.2.4. Olimpiadis aizdavumus komanda veic kolektivi;

4.2.5. Dorba saturs: tests, aizdavumi latgalīšu rokstu volūdā; rodūši dorbi, školānu dorbu prezentacejis.

5. Olimpadis aizdavumu temys:

1) Latgalīšu rokstu volūda (rokstu volūdys prasmis);

2) Pīteram Miglinīkam — 175

3) Nikodemam Rancānam –155

4) Ontonam Kūkuojam – 85

6) Latgolys kulturtests (latgaliskī pasuokumi, nūtykumi, jubilejis 2024. godā).

6. Pīteikumi olimpiadei juoatsyuta leidz 2025. goda 18. apreļam LVLKŠA iz e-postu (ltgasoc@gmail.com). Pīteikumā juonūruoda škola, klase, školāna vuords i uzvuords, atbiļdeiguo školuotuoja vuords, uzvuords.

7. Viertiešona i apbolvuošona

Olimpiadis rezultatus viertej LVLKŠA i Rēzeknis Tehnologeju akademejis Regionalistikys zynuotniskuo instituta kūpeigi veiduota viertiešonys komiseja. Rezultati teik paziņuoti olimpiadis dīnā. Gūdolguotūs vītu īgiviejis komandys i komandu daleibnīki individuali sajam bolvys, puorejī daleibnīki — pīminis veļtis.

Informaceju var atrast https://visc.gov.lv/vispizglitiba/olimpiades/kartiba.html i www.ltgasoc.lv, www.lakuga.lv

8. Olūti

Latgalīšu rokstu volūda

Valsts valodas likuma 3. pants (atrūnams: www.likumi.lv)
LR Tieslietu ministrijas Valsts Valodas centrs (2008). Latgaliešu pareizrakstības nosacījumi: http://www.lu.lv/filol/latgalistica/doc/LGPNusacejumi.pdf
http://www.lakuga.lv/raksteiba/

Pīteram Miglinīkam – 175

1. Rupaiņs O. Pīters Miglinīks. Rēzekne: Latgales Kultūras centra izdevniecība, 2000, 83 lpp.

2. Rupaiņs O. Kod pyrmī gaili dzīduoja. Vl. Lōča izdevnīceiba, 1946, 129 lpp.

Nikodemam Rancānam – 155

1. Bukšs M. Nikodems Rancāns. Minhene, 1971, 1.–56. lpp., 88.–108. lpp.

2. Brems K. (N. Rancāna pseid.). Ceļōjums pa Latgolu. 1924; 1992; 2002

3. Aizpurīte L. Monsinjors Nikodems Rancāns // Latgolas Škola, 1938, 4/5 (www.periodika.lv)

4. Nikodema Rancāna pīminis saglobuošona.

Ontonam Kūkuojam – 85

1. Kūkojs A. Mūžs Latgales kultūrā: abpusapputeksnēšanās. – Rēzekne: LKC izdevniecība, 2005, 7.–104. lpp.

2. Kūkojs O. Dūd pīci. Dzejis izlase latgaliski: Ludza: J. Soikāna Ludzas mākslas skola, 2015

3. Ivdris V., Justs M. Izdzeivuot pīdereibu. Dzeive gleznuos. Veļtejums O. Kūkuoja 70-gadei. Dokumentāla filma. Rēzekne: LVLKSA, 2011. (Sovvaļnīka (I. Gusāna) mūzika).

Latgolys kulturys tests

(latgaliskī pasuokumi, nūtykumi, jubilejis 2024. g.)

www.lakuga.lv
žurnāls “A12”// 2024. g.
https://bonuks.lv

25. skotuvis runys konkursa „VUOLYUDZĀNI” nūlykums

Mon, 13 Jan 2025 22:13:00 +0000

1. Konkursa mierkis:

1.1. Styprynuot nacionalū identitati, veidojūt izpratni par latgalīšu autoru vuorda muokslu, latgaliski raksteita teksta vierteibu, izteiksmeibu;

1.2. Atteisteit školānu skotuvis runys meistareibu, emocionalitati, ceļt runys kulturu;

1.3. Izkūpt latgalīšu rokstu volūdu.

2. Organizātuoji:

2.1. Latgalīšu volūdys, literaturys i kulturviesturis školuotuoju asociaceja (LVLKŠA);

2.2. Rēzeknis nūvoda pošvaļdeiba;

2.3. Rēzeknis Vaļsts 1. gimnazeja.

3. Konkursa nūtikšonys laiks i vīta:

3.1. Konkurss nūteik 2025. goda 26. aprelī Rēzeknis Vaļsts 1. gimnazejā, Dziernovu īlā 3a;

3.2. Suokums — 10:00;

3.3. Daleibnīku registraceja: 9:00–9:50.

4. Daleibnīki:

4.1. Konkursā pīsadola pyrmsškolys vacuma bārni, 1.–12. klašu školāni, studenti;

4.2. Nu vīnys školys pīsadola na vairuok par 2 školānim nu kotrys klašu grupys;

4.3. Vīnys školys pīsaceitajim daleibnīkim vālams najimt vīnaidus dorbus;

4.4. Iz konkursa navest dailrunuotuoju, kurs nazyna sovua teksta nu golvys.

5. Konkursa gaita:

5.1. Konkurss nūteik pa vacuma grupom: pyrmsškola, 1.–4. kl., 5.–8. kl., 9.–12. kl., studenti;

5.2. Kotrys konkursa daleibnīks sagatavej 2 daildorbu fragmentus latgaliski, īteicams izavielēt

vīnu Ontona Kūkuoja dorbu voi dorba fragmentu.

5.3. Vīnam fragmentam juobyut nu jaunuokuos latgalīšu literaturys;

5.4. 1. konkursa kuortā kotrys daleibnīks runoj pyrmū prozys voi dzejis fragmentu, bet 2.

kuortā — ūtrū sagataveitū prozys voi dzejis fragmentu;

5.5. Kotra literaruo dorba lasejums leidz 3 min.;

5.6. Konkursu paprīšku īteicams organizēt školuos leidz 15. apreļam.

6. Viertiešona:

6.1. Konkursantus viertej LVLKŠA i RTA izveiduota komiseja;

6.2. Viertej dorba atbiļsteibu školāna vacumam, teksta zynuošonu, kontaktu ar

klauseituojim, prasmi atkluot daildorba nūskaņu, īsakļaušonu laikā.

7. Apbolvuošona:

7.1. Konkursa uzvarātuoji kotrā vacuma grupā sajam diplomus i bolvys voi pīminis bolvys i

Atzineibys rokstus;

7.2. Par školānu sagataveišonu konkursam teik gūdynuoti i jūs pedagogi.

8. Pīteikumi:

8.1. Pīteikumus syuteit leidz 17. apreļam iz e-postu: ltgasoc@gmail.com;

8.2. Nūruodeit školāna vuordu, uzvuordu, školu, klasi, školuotuoju, daildorba autoru i

nūsaukumu;

8.2. Pīteikumus raksteit iz izgleiteibys īstuodis veidlopys, īsnēgt ar direktora voi direktora

vītnīka parokstu.

Informaceju var atrast www.ltgasoc.lv i www.lakuga.lv

LVLKŠA

23. vaļsts atkluotuos latgalīšu volūdys i kulturviesturis olimpiadis uzvarātuoji

Tue, 07 May 2024 21:30:00 +0000

Pīsadaleja 7 komandys.

1.vīta Drycanu v-škola: Gints Čivčs, Raitis Igaunis, Krista Kokina, Egita Melne, Elgars Razgalis

šk. Laizāne Silvija

2.vīta Ludzys piļsātys v-škola: Alise Alitkina, Marta Batņa, Kamila Makarova, Laura

Mortuzāne, Rasma Vonda šk. Laila Budreviča

3.vīta Nautrānu v-škola: Renārs Jūrdžs, Rolands Jūrdžs, Samanta kanaška, Agija Vonoga,

Rūta Vonoga šk. Dundure Veronika

2024. goda skotuvis konkursa “Vuolyudzāni” uzvarātuoji

Tue, 07 May 2024 21:25:00 +0000

Pīsadaleja 55 školāni nu 26 izgleiteibys īstuodem.

Vīta	Vuords, uzvuords	Izgleiteibys īstuode	Skoluotuojs
1. – 4.kl.
1.v.	Dimiters Vistopols	Tukuma E.Birznīka -Upeiša p-šk.	Balode T.
	Lauris Deksnis	Sakstagola p-škola	Deksne I.
	Ieva Spīča	Gaigalovys p-škola	Bozoviča Ē.
2.v.	Megija Kontvainīte	Mežvidu PII “Sauleite”	Skrebinska I.
	Akvelīna Rimšāne	Kruoslovys gimnazeja	Jakovele I.
	Patrīcija Vanaga	Ludzys Muzykys p-škola	Tihovska D.
3.v.	Jēkabs Tjušs	Viļānu v-škola	Juška I.
	Lauris Lipovskis	Ludzys piļsātys v-škola	Misāne I.
	Adrija Andra Boļšija	Drycanu v-škola	Augstkalne L.
5. – 8.kl.
1.v.	Mārtiņš Bozovičs	Nautrānu v–škola	Krišāne R.
1.v.	Helēna Slišāne	Baļtinovys v-škola	Kaša I.
2.v.	Kristiāns Dzalbs	Kruoslovys gimnazeja	Dzalbe L.
	Felikss Olivers Nikolajevs	Rēzeknis 5. v-škola	Buldure I.
	Rinalds Razgalis	Drycanu v-škola	Augstkalne L.
	Irbe Bārbala Kārkliņa	Rēzeknis suokumškola	Maizika I.
3.v.	Agate Opincāne	Nautrānu v-škola	Kopeika G.
3.v.	Antons Terehovs	Kruoslovys Varavīksnis v-škola	Adamoviča N.
9. –12.kl.
1.v.	Aļesja Kovaļenko	Viļānu Myzykys i muokslys šk.	Vulāne A.
	Armands Kazinieks	Rēzeknis 5.v-škola	Šmite A.
	Lāsma Jurkāne	Rībeņu v-škola	Bravacka D.
2.v.	Anna Guba	Latgolys Muzykys i muokslys v-šk.	Kļaviņa S.
2.v.	Inese Skangale	Latgolys Muzykys i muokslys v-šk.	Kļaviņa S.
3.v.	Vadims Kozlovs	Aglyunys v-škola	Švābe I.
3.v.	Laura Mortuzāne	Ludzys piļsātys v-škola	Budreviča L.

23. atkluotuos latgalīšu rokstu volūdys i kulturviesturis olimpiadis nūlykums

Thu, 25 Jan 2024 20:10:00 +0000

1. Olimpiadis mierkis i aizdavumi:

1.1. Školu jaunuotnis vydā popularizēt latgalīšu kulturys montuojumu;

1.2. Nūstyprynuot izpratni par latgalīšu rokstu volūdu kai svareigu latvyskuos identitatis daļu, rūsynuot jaunīšu interesi par latgalīšu volūdu, kulturviesturi, viesturi;

1.3. Veicynuot kulturys vierteibu i izcyluokūs nūvadnīku apzynuošonu školuos.

2. Olimpiadis daleibnīki: izgleiteibys īstuožu 10.–12. klašu komandys 3–5 školānu sastuovā.

3. Olimpiadi atbolsta: Vaļsts izgleiteibys satura centrs

4. Olimpiadis organizātuoji: Latgalīšu volūdys, literaturys i kulturviesturis školuotuoju asociaceja (LVLKŠA), RTA, LU Humanitarūs zynuotņu fakultatis Baltu volūdnīceibys katedra, Rēzeknis nūvoda pošvaļdeiba.

5. Olimpiadis nūrise:

5.1.0. 1. pūsmys – školys olimpiade:

5.1.1. Nūrisis laiks školā – olimpiade nūteik leidz 2024. goda 20. apreļam;

5.1.2. Olimpiadis aizdavumus izstruodoj školā;

5.1.3. Dorbus viertej i daleibnīkus 2. pūsmam vierza školys žurejis komiseja.

5.2.0. 2. pūsmys – vaļsts atkluotuo olimpiade:

5.2.1. Nūtikšonys laiks i vīta – 2024. goda 27. apreļs, Rēzeknis Vaļsts gimnazeja, Dzirnavu īla 3a;

5.2.2. Aizdavumus i viertiešonys kriterejus izstruodoj RTA, Latgalīšu kulturys ziņu portals lakuga.lv, Latvejis Universitatis Baltu volūdnīceibys katedra, Latgalīšu kulturys bīdreiba;

5.2.3. Dorba ilgums treis astronomiskuos stuņdis (10:00 –13:00);

5.2.4. Olimpiadis aizdavumus komanda veic kolektivi;

5.2.5. Dorba saturs: tests, aizdavumi latgalīšu rokstu volūdā.

6. Olimpiadis aizdavumu temys:

1) latgalīšu rokstu volūda (rokstu volūdys prasmis);

2) drukys aizlīguma latiņu burtim (1865–1904) atceļšonai – 120;

3) F. Trasunam – 160;

4) Oskars Seiksts “Atīsmis” (2023);

5) Latgolys kulturtests (latgaliskī pasuokumi, nūtykumi).

7. Pīteikumi:

7.1. Juoatsyuta leidz 2024. goda 20. apreļam LVLKŠA iz e-postu (ltgasoc@gmail.com);

7.1. Pīteikumā juonūruoda izgleiteibys īstuode, klase, školāna vuords i uzvuords, školuotuojs konsultants;

7.2. Pīteikumu paroksta izgleiteibys īstuodis direktors voi direktora vītnīks muoceibu dorbā.

8. Viertiešona i apbolvuošona

Olimpiadis rezultatus viertej LVLKŠA veiduota viertiešonys komiseja. Gūdolguotūs vītu īgiviejis komandys i jūs daleibnīki sajam bolvys, puorejī daleibnīki – pīminis veļtis.

Informaceju var atrast: www.visc.gov.lv, www.ltgasoc.lv, www.lakuga.lv

Olūti

Latgalīšu rokstu volūda

Vaļsts volūdys lykuma 3. pants (Atrūnams: www.likumi.lv)
LR Tīslītu ministrejas Vaļsts Volūdys centrs (2008). Latgaliešu pareizrakstības nosacījumi (Atrūnami: www.ltgasoc.lv )
Cibuļs, J., Leikuma, L. (2003) Vasals! Latgaliešu valodas mācība. Rīga: N.I.M.S.

(Atrūnams: www.ltgasoc.lv )

http://www.lakuga.lv/raksteiba/

Latiņu drukys aizlīguma atceļšonai – 120

Bukšs, M. (1956). Latgaļu literaturas vēsture. Minhene: P/S Latgaļu izdevnīceiba, 203.–357.
Šuplinska, I. (2013). Gruomota. Latgolys lingvoteritorialuo vuordineica, II. Rēzekne: Rēzeknis Augstškola, 229.–232.
Jūrdžs, A. (1999). Myužeigais kalinders. Rēzekne: Latgales Kultūras centra izdevniecība.
http://www.lingvistiskakarte.lv/tag/drukas_aizliegums_latgale

Fraņčam Trasunam – 160

Bukšs, M. (1956). Latgaļu literatūras vēsture. Minhene: P/S Latgaļu izdevnīceiba, 395.–410.
Malahovskis, V. (2013). Francis Trasuns. Latgolys lingvoteritorialuo vuordineica, II. Rēzekne: Rēzeknis Augstškola, 205.–207.
Trasuns, F. (1997.–1998.) Dzīve un darbi: raksti 3 sēj. - Rēzekne: LKCI. (Nu daiļdorbu – drama „Nūgrymušō pile”).
www.īsapazeisim.rta.lv (Fraņcs Trasuns)

Jaunuokuo latgalīšu literatura

1. Seiksts, O. (2023). Atīsmis. Rēzekne: Latgalīšu kulturys bīdreiba.

2. Oskara Seiksta sarunys ar literaturzynuotnīku Valentinu Lukaševiču (https://www.youtube.com/watch?v=AgRKK1BBA6s&t=77s),

literaturzynuotneicu Ilgu Šuplinsku (https://www.youtube.com/watch?v=ZIc6Luw3HsE), multimuokslineicu Eviku Muiznieci (https://www.youtube.com/watch?v=dBQ-zH-2Qpo&t=874s), muzyki i literaturzynuotnīku Ingaru Gusānu (https://www.youtube.com/watch?v=PiPF6RHUURk) .

Latgolys kulturys tests

(myusu dīnu latgaliskī pasuokumi, nūtykumi 2023. godā, Boņuka bolva – 2023, jubilejis 2024. g.)

4. www.latgalesgors.lv (latgaliskī pasuokumi)

LTGASOC - AKTUALI

26. atkluotuos latgalīšu rokstu volūdys i kulturviesturis olimpiadis nūlykums

26. skotuvis runys konkursa „VUOLYUDZĀNI” nūlykums

Aicynojam iz “Vuolyudzānim” i atkluotū latgalīšu rokstu volūdys i kulturviesturis olimpiadi

Latgalīšu volūdys i kulturys kursi “Vosoruošona” svieteis 25 godu jubileju

15. reizi byus latgalīšu volūdys i kulturys kursi “Vosoruošona”

25. atkluotuos latgalīšu rokstu volūdys i kulturviesturis olimpiadis nūlykums

25. skotuvis runys konkursa „VUOLYUDZĀNI” nūlykums

23. vaļsts atkluotuos latgalīšu volūdys i kulturviesturis olimpiadis uzvarātuoji

2024. goda skotuvis konkursa “Vuolyudzāni” uzvarātuoji

1. – 4.kl.

5. – 8.kl.

9. –12.kl.

23. atkluotuos latgalīšu rokstu volūdys i kulturviesturis olimpiadis nūlykums